Kjære vener i Norkirken Nordhordland!
Vi har sett bileta på TV dei siste dagane. Jordskjelv i Indonesia. Tyfon og flaum på Filippinene. Menneske i stor naud. Og mennesker som hjelper kvarandre så godt dei kan.
I går sendte Åshild oss eit oppdateringsbrev frå Noralv og Tone, som arbeider nesten natt og dag med å hjelpe flaumofra på Filippinene. I brevet skriv Noralv: ”Med to lastebiler fullastet med mat, har vi i dag gitt hjelp til 500 familier. Det er viktig at nødhjelpen når fram til de som trenger det mest. På denne måten kan vi hindre motløshet og sykdom.”
Det er mange ting i verda og i livet rundt oss som kan skape fortviling og missmot. Ja også i vår eigen kvardag, midt i våre eigne små og store problem, kan vi kjenne oss kraftlause og motlause. Då er det godt å ta fram Bibelen. For i Guds ord får aldri resignasjon og sorg siste ordet. Kjærleik, håp og glede er grunntonen som preger Ordet frå Gud. Midt i mørkaste natta kan det tennast lys.
”For Gud gav oss ikkje ei ånd som gjer motlaus, men ei ånd som gjev kraft og kjærleik og visdom.”
(2. Tim. 1, 7)
Så kan vi i dag få lov å vere med å strekkje ut hender til dei som treng det mest. I bønn. I giverglede. I praktisk handling. F.eks kan vi ta ein tur innom nettbanken og overføre penger til arbeidet for dei som er midt i dei store livskrisene. I avslutningshelsinga frå Tone og Noralv les vi: ”Takk for at vi får være deres hender og føtter i hjelpen dere alle gir til de mange som lider i flommen her. Vi er glade for at Guds kjærlighet og omsorg kan erfares i alle livets situasjoner.”
Minner om storsamling på søndag kl. 11:00 i Meland Aktiv. J
GOD HELG!
Arve Reigstad
Pastor i Norkirken Nordhordland
n