God helg!

«Men den timen kjem, ja, han er alt komen, då dei sanne tilbedarane skal tilbe Far i ånd og sanning. For slike tilbedarar vil Far ha. Gud er ånd, og dei som tilbed han, må tilbe i ånd og sanning.» – Johannes‬ ‭4‬:‭23‬-‭24‬ ‭

Gode vener i Norkirken,

På søndag feirer vi igjen gudsteneste i Meland Aktiv kl. 11:00 – bli gjerne med på bønnemøte før gudstenesta, kl. 10:30 på galleriet i foajeen.

Barnekoret Levande Lys blir med og syng for oss.
Arve Reigstad Taler om temaet “Du er klippen”
Samlingar for Kongebarna og Sofagjengen.

Kyrkjekaffi etter gudstenesta – ta gjerne med kaffi/te eller noko å bite i til felles langbord!

Impuls
Det er ein stor gjeng ungdommar som reiser til Impuls Stavanger frå Nordhordland denne helga – 42 ungdommar og fire vaksne. Impulskonferansen er òg heilt fullbooka! Vær gjerne med i forbønn for ungdommane, bussreisa og for konferansen – vi har store forventningar til kva Gud gjer mellom oss og ungdommane!

Fresh
For dei ungdommane som ikkje skal på Impuls er det som vanleg Fresh (8. klasse +) på Frekhaug bedehus fredag kl. 19.30

Hjertefokus-teaser lørdag 1. februar – bli med og inviter gjerne med dykk nokon!
Påmelding innan tirsdag 28. jan til john@henanger.net / 40648270 (meir info under).

G11‑U og Oase-helg 
Neste gudsteneste er G11‑U søndag 9. februar på Frekhaug bedehus.
Same helga er det Oase-helg i Straume Forum – sjekk gjerne ut facebook-event med samme navn eller oase.no 

Ingelin m/fleire frå Norkirken Nh leder lovsang fredag og lørdag kveld.

Årsmøte torsdag 13. februar
Middag kl. 18 – Årsmøte kl. 19–22
Innkalling + invitasjon til middag sendes ut på mail til medlemmar innan 1. februar.

mvh
Bjørnar Sæle
Pastor i Norkirken Nordhordland

 

 

Litt meir info om Hjertefokus-teaser 1. februar:

Tidsramme: 09:30–16:30
Registrering: kl. 9 30–10.00
Oppstart: 10.00
Seminaravgift: kr. 250 (inkluderer lunsj)
Saman med Frekhaug indremisjon, Huskirken Nordhordland, Knarvik Misjonshus, Meland kyrkjelyd og Nordhordland Bibelsenter inviterer vi til ein smakebit av Hjertefokus! Denne lørdagen får de bli betre kjent med dette undervisningsopplegget bygd på Bibelen.
Sjølve kurset består av ei heil veke med undervisning, men her får de ein smakebit i løpet av nokre timar, som ein introduksjon til undervisninga.
Undervisning ved Marit og Eilif Haaland, ekteparet som tok med seg dette konseptet til Norge på 90-tallet.
Kurset, som i opphavleg berre var for helsepersonell, vart etter kvart tilgjengeleg for alle voksne, uavhengig av livssituasjon og alder. Utan å overdrive kan ein seie at kurset har vore livsforvandlande for mange.
Denne lørdagen vil du erfare livsnær, personleg, humoristisk, kunnskapsrik og utfordrande undervisning.
For meir om hjertefokus, sjå hjertefokus.no